Me dinamika, debate të forta dhe emocione ka qenë spektakli i djeshëm i “Big Brother Vip Albania 4”.
Nga nominimi që ishte me të gjitha vajzat e shtëpisë, ajo që la garë ishte Krisa, e cila në fakt, ishte po ajo që e dërgoi veten në nominim javën e kaluar, së bashku me vajzat e tjera, nga avantazhi që i dha “Vëllai i Madh”.
Ky largim ka sjellë një pikëllim tek Tiri, partneri i saj, i cili shpërtheu në lot. Ai u shpreh se këshillat e tij mund ta kenë penguar Krisën të bëjë lojën e saj në “Big Brother VIP”. Përpara largimit Krisa i kërkoi Tirit të vazhdojë lojën dhe rrugëtimin për të.
Ndërkohë, sa i përket nominimeve për të shtunën, “Big Brother VIP Albania” ka vënë në zbatim një mënyrë të re, ku ishin dy opinionistët që për herë të parë në këtë format, ndikojnë drejtpërdrejt në nominimet e javës.
Ka qenë Neda Balluku dhe Arbër Hajdari të cilët kanë zgjedhur dy banorë, të cilët do të shkonin në nominim “kokë më kokë”.
Bazuar në ndarjen e divaneve, ata zgjodhën nga një person më të rrezikuar nga secili krah. Arbër Hajdari dërgoi në nomimin Loredanën duke u shprehur se në këtë formë ajo bëhet më aktive në lojë.
Arbër Hajdari: Mua më pëlqejnë betejat, nominimi i bën ata më aktivë. Unë zgjedh Loredanën (nga divani i kuq).
Ndërkohë nga krahu tjetër, Neda vedosi të dërgojë në përballje me Loredanën Livian teksa tha se ajo akoma nuk është parë duke luajtur.
Neda Balluku: Duke parë që aty ka lojtarë që nuk kanë dalë në fushë-betejë, me shumë keqardhje vë emrin e Livias (divani blu).
Tashmë i mbetet në dorë publikut se cila prej tyre do të vazhdojë garën dhe cila do të eleminohet.
