Deputeti Dashnor Sula ka denoncuar nga foltorja e Kuvendit në seancën e sotme plenare se si rasti i Erion Veliajt ka edhe raste të tjera që personat me poste të larta në pushtet abuzojnë me detyrën.
Ai përmendi rastin e një drejtori në varësi të Belinda Ballukut, i cili sipas tij, kishte shkuar pak ditë më parë në Kolonjë dhe kishte kombinuar ngjyrën e këpucëve me atë të range Roverit.
Sula tha se drejtori i Ballukut e la takimin e punës për t’u takuar me të dashurën që e priste në makinë.
Sula: Më erdhi një telefonatë ditën e djeshme e një drejtori të famshëm të zonjës Balluku, në Kolonjë përpara një jave që ishte në një takim atje. A e dini o vëllezër se çfarë ka ndodhur? Kishin të dy të dashura në makinë në Range Roverin e vetë dhe i veshën edhe këpucët sipas ngjyrës sipas së Rang Roverit dhe e mori në telefon të dashurën nga makina dhe që hajde se vajti vonë dhe ndërpreu takimin edhe iku, e kuptoni ku kemi përfunduar, me vjen keq për ju kolegë që nuk jeni të korruptuar por ju heshtni.
