Drejtori sportiv i Bayern, Max Eberl, është acaruar nga pyetjet e shumta të gazetarëve për yllin Florian Wirtz. Mesfushori ofensiv gjerman kërkohet nga klubi bavarez, ose të paktën kështu raportohet prej muajsh.
“Mjaft me këtë pyetje! Nuk më duket e përshtatshme që kur luajmë një ndeshje të rëndësishme në Champions League, të më pyesni për një lojtar i cili luan te Bayer Leverkusen”.
“Skuadra jonë është e plotësuar mjaft mirë në sulm. Kemi Michael Olise, Jamal Musiala. Mund të përmend shumë emra cilësorë që kemi në sulm, kështu që mjaft me këtë pyetje. Nuk kemi bërë asnjë ofertë. Puna jonë vazhdon, jemi ende në gjysmë të sezonit”, ka deklaruar Eberl.
Në fakt, fajtori është ikona e Bayern, Uli Hoeness, i cili ka 2-3 javë që përsërit ëndrrën e tij: “Dua ta shoh Florian Wirtz te Bayern”. Problemi është vetëm se klubi vështirë se do i paguajë 140 mln euro për të.
