Nuk ka qetësi në futbollin turk, që është përfshirë në një tjetër skandal. Në qendër të polemikave edhe një herë Galatasaray, që si gjithmonë akuzohet se ndihmohet nga Federata dhe arbitrat.
Këto dyshime, duket se kanë marrë konfirmime me atë që ndodhi në ndeshjen e javës së 23-të të kampionatit kundër Adana Demirspor, ku miqtë braktisën fushën pas vetëm 30 minutash lojë.
Një protest kjo për penalltinë e akorduar në favor të Galatasaray. Në minutën e 11-të, arbirtri tregoi pikët e bardhë pas një rrëzimi të Dris Mertens në zonë.
Përsëritja e aksionit tregoi qartë simulimin e sulmuesit belg, por pavarësisht kësaj, sistemi VAR konfirmoi vendimin e parë. Alvaro Morata gositi saktë nga pika e penalltisë për epërsinë e të zotëve të shtëpisë.
Sfida vijoi normalisht, ndërsa në minutën e 30-të, me urdhër të drejtuesëve futbollistët e Adana Demirspor braktisën fushën e lojës, ndërsa ndeshja u mbyll përpara kohe.
Por një tjetër përballje vijon të luhet në distancë, me thuajse të gjithë rivalët e Galatasaray që kanë reaguar ashpër ndaj vendimit të arbitrit. Më të zëshëm kundërshtarët e përjetshëm të Fenerbahce, që drejtohet nga Jose Murinho, edhe ky akuzues i papërtushëm ndaj Galatasaray.
Në deklaratën e Fenerbahçe shpërndarë në të gjitha rrjetet sociale të klubit flitet për kontrata të paligjshme dhe merkato të të zezë. Zjarrit të polemikave iu ka hedhur benzinë Mourinho që ka shpërndarë postimin e klubit të tij, duke e shoqëruar me frazën “Ne jemi të pastër”.
