Kreu i partisë “Shqipëria Bëhet”, Adriatik Lapaj zhvilloi ditën e djeshme një takim me shqiptarët në Arezzo të Italisë.
Gjatë fjalës me shqiptarët e diasporës, Lapaj tha se kryeminstri Rama nuk i luftoi oligarkët, por i mori dhe u bë shok me ta. Lapaj shton më tej se Rama ecën me parimin se është e vështirë ti hypësh kalit, se po i hype, zbret kur të duash.
“Ne duhet të bashkohemi për ta çarë sistemn, dhe do e çajmë sepse diaspora po mobilizohet fuqishëm për të votuar.
Ne jemi me ligjin, nuk mendojë që po iku njëri dhe erdhi tjetri, vendi do bëhet më i mirë, nuk është çësheje ditësh.
Rama nuk i luftoi oligarkët, por i mori dhe u bë shok me ta. Jo që nuk ndejti 8 vjet në pushtet, por flet që do rrijë edhe 8 të tjera e nuk ngopet. Ky ecën me parimin që është e vështirë ti hypësh kalit, se po i hype zbret kur të duash.
Ne duhet të ndërtojmë një republikë që ka një sistem juridik, tjetër nga ky që kemi sot.
Sot ne nuk kemi një sistem demokratik, ne kemi një sistem të dy kryetarëve që kanë shpk (shoqëri me përgjegjësi të kufizuar), bëjnë listën siç duan ata. Po të vuri në krye të listës je deputet, se ke vjedhur, se ke prerë, se punon kundër interesit kombëtar, si itereson njeriu. Dhe kësaj gjëje ne duhet ti japim fund”- shprehet ndër të tjera Lapaj.
