Prej shumë kohësh nuk i kishim parë të publikonin së bashku foto. Por më në fund, ditën e djeshme, motrat Vjollca janë parë në shoqërinë e njëra-tjetrës. Marina dhe Luana Vjollca janë dy nga moderatoret më të përfolura dhe këto ditët e fundit ato kanë qenë kryefjalë e lajmeve rozë.
Pas përfundimit të secilës të programeve që moderonin, të dyja janë shkëputur prej kohësh nga ekrani. Ndërkohë që së shpejti pritet një rikthim në muzikë i Luanës dhe bashkëpunimi do të jetë me Bujar Qamilin, ndërsa, nga ana tjetër, vlojnë dyshimet për një shtatzëni të mundshme të Marinës.
Ky i fundit është një nga lajmet më të lakuara në botën e mediave rozë, ku shumë presin që të kapin detajin që po u shpëton nga sytë të gjithëve. Kjo ka bërë që moderatoret bukuroshe të ndajnë foto në rrjetet e tyre sociale duke u dhënë sërish zë thashethemeve dhe hipotezave për një shtatzëni të mundshme. Por postimi i bërë nga Luana tregon barkun si prej modeleje të së motrës duke zbehur fjalët lidhur me shtatzëninë.
Marina ka mohuar të jetë në pritje të fëmijës së parë, madje ka ndarë foto krah bashkëshortit të saj Getoar Selimi ku tregonte barkun zbuluar. Pra, për momentin nuk është shtatzënë. Të shohim në vijim çdo të postojnë.
