Mjeku epidemiolog Ilir Alimehmeti, i ftuar në Programin e drekës në News 24 foli për virozat e stinës.
Alimehmeti tha se shqiptarët duhet ta kthejnë kulturë që edhe kur janë me grip dhe nuk ndihen mirë, të shkojnë tek mjeku. Sipas tij, mundësitë janë tepër të pakta, por ka edhe raste vdekjesh nga gripi. Ai u shpreh se vetëm në rastet më të rënda, qytetarët duhet të shkojnë tek mjeku.
Ilir Alimehmeti: Kur testojmë, 55 përqind e rasteve janë grip. Ne si popull kur jemi me grip nuk shkojmë tek mjeku. Por ka rrezik, sidomos tek të vegjlit, tek të moshuarit, gratë shtatzëna.
Mundësitë janë të vogla, por edhe gripi , kur është më i rëndë mund të marrë jetë. Ky sezon ka pasur shumë të infektuar, por nuk janë kthyer shumë në spitalore. Ne kemi një ‘turp’ për të shkuar tek mjeku kur kemi grip. Duhet të shkojmë, në situata të rënda.
