Një 28 vjeçar është shpallur në kërkim nga policia e Krujës pasi bashkë me një tjetër, ende i paidentifikuar, kanë dhunuar dy persona babë e bir, 72 dhe 49 vjeç.
Gjatë largimit, 28 vjeçari ka goditur gjithashtu me automjet 72 vjeçarin, i cili ndodhet në spital.
“Specialistët për Hetimin e Krimeve të Komisariatit të Policisë Krujë kanë shpallur në kërkim shtetasin D. Gj., 28 vjeç, pas se ai, bashkë me një shtetas ende të paidentifikuar, ka dhunuar dy shtetas: A. S., 49 vjeç, dhe Sh. S., 72 vjeç, babë dhe bir.
Gjithashtu, shtetasi D. Gj. është akuzuar se ka goditur me automjet shtetasin Sh. S. gjatë largimit nga vendi i ngjarjes. Shtetasi i plagosur, Sh. S., ndodhet aktualisht në spital, duke marrë trajtim mjekësor.”-njofton policia.
Materialet procedurale janë dorëzuar Prokurorisë për veprime të mëtejshme ligjore.
