Në një marrëveshje të paprecedentë, El Salvadori vendi I Amerikës qëndrore ka rënë dakord që të marrë nga Shtetet e Bashkuar Kriminelët më të rrezikshëm të botës nga çdo kombësi dhe ti mbaj ato në burgjet e tyre sipas asaj që deklaroi Sekretari Amerikan I Shtetit Marco Rubio. Kreu i Diplomacisë Amerikane u shpreh se ky është një akt I një miqësie të jashtëzakonshme, ndërsa zbuloi se marrëveshjen e kishte arritur me Presidentin e El Salvadorit.
“Presidenti i El Salvadorit në një akt miqësie të jashtëzakonshëm ndaj vendit tone, duke ditur sfidat me të cilat përballemi ka rënë dakord për marrëveshjen më të paprecedentë kudo në botë, jo vetëm në lidhje me kriminelët e burgosur por gjithashtu edhe në aspektin e migracionit. El Salvadori do të pranojë deportimin e cdo të huaji të paligjshëm nga Shtetet e Bashkuara , qofshin ata kriminelët më të rrezikshëm të botës duke pershire organizatat Kriminale MS-13 ose Tren De Aragua dukei mbajtur ato në burgjet e tyre. Gjithashtu ky vend është zotuar se do të pranojë deportimet e shtetasve të tyre që kanë hyrë ilegalisht në SHBA.”
El Salvador, vendi I Amerikës qëndrore ka ndëruar një Burg të madh me kapacitet për të mbajtur 40 mijë të burgosur në atë që quhet Qendra e mbajtjes dhe Ndalimit të terroristëve. Presidenti I El Salvadorit Nayib Bukele është vlerësuar për punën që ka bërë në goditjen e organizatave kriminale të vendit të tij duke bërë që autoritetet atje të arrestojnë më shumë se 80 mijë persona të përfshirë në aktivitete Kriminale që prej vitit 2022.
Shteti i Amerikës Qëndrore I njohur për shkallën e lartë të kriminalitetit njihet tashmë për disa nga burgjet me kushtet më të rrepta në botë. Marrëveshja mes Shteteve të Bashkuara të Amerikës dhe El Salvadorit vjen në një kohë kur Administrata e Donald Trump po vijon luftën ndaj emigracionit të paligjshëm dhe dëbimit të emigrantëve të paligjshëm që janë përfshirë në aktivitete kriminale.
El Salvadori do të marrë financim nga Shtetet e Bashkuara të Amerikës nëse Washingtoni pranon marrëveshjen e propozuar për deportimin e kriminelëve më të rrezikshëm drejt këtij vendi.
