Detaje të reja janë mësuar nga ngjarja e rëndë e shënuar në fshatin Çorrush të Bashkisë së Mallakastrës, ku dy vëllezërit Sabri dhe Novruz Velaj, 90 dhe 85 vjeç, u gjetën të vdekur në banesën e tyre nga kryeplaku i fshatit.
U mësua se dy vëllezërit ishin të pa martuar , banonin në një godinë dhe në dhoma të veçanta.
Njeri prej tyre ka tentuar ose të veshë ose të heqë pantallonat, por ka humbur ekuilibrin dhe ka rënë në dysheme ku ka goditur kokën e si pasojë nga hematoma dhe mosha ka ndërruar jetë, por që dera e dhomës ka qenë e mbyllur.
Vëllai tjetër, i paralizuar prej vitesh, që rrinte në dhomën tjetër, do të ketë dëgjuar zhurmë dhe ka tentuar që të hapi derën, por s’ka mundur dhe ai ka ndërruar jetë në dhomë me derë të mbyllur.
Dy vëllezërit Novruz dhe Sabri Velaj kanë ndërruar jetë në një ditë dhe afro 5 ditë më parë, pohuan burime zyrtare nga Policia e Fierit.
Ata jetonin vetëm me pensionin që e merrnin, nuk kishin të afërm dhe banesa e tyre ishte rikonstruktuar 3 vjet më parë nga Bashkia e Mallakastrës.
