Një person, rreth 62 vjeç është gjetur pa shenja jete mbrëmjen e kësaj të premteje në oborrin e banesës së tij në fshatin Çiflig të Korçës.
Burime bëjnë me dije se 62-vjeçari është konstatuar pa shenja jete nga familjarët e tij, të cilët kanë lajmëruar më pas Policinë.
Në trupin e viktimës nuk janë konstatuar shenja dhune dhe dyshohet se ai mund të ketë ndërruar jetë si pasojë e një arresti kardiak.
Trupi i pajetë është dërguar në morgun e spitalit të Korçës për ekspertizë mjeko-ligjore, e cila do të përcaktojë dhe shkakun e vdekjes.
