Gazetari Armand Shkullaku, ka deklaruar se qeveria Rama e ka kanabizuar vetë vendin me qëllim që me paratë e krimit të blinte zgjedhjet.
Shkullaku tha në Syri TV se paratë që fitoheshin nga kanabizimi përdoreshin për fushatë të cilat i kanë dhënë deri më sot fitoren PS, por sipas tij, ky proces i jashtëligjshëm i ka shkaktuar shumë dëm vendit, për arsye se janë bërë shumë krime të ndryshme që nga viti 2014 deri më sot.
“Që nga 2014 deri më sot kanë dalë që fikeshin radarët ushtrisë që vinte helikopteri i ‘Riformatos’ merrte drogën
Që lekët e kanabisit përdoreshin në fushatë.
Që nga koha që Sajmir Tahiri ka qenë ministër i brendshëm mua më ka ikur goja që kanabizimi është vepër e ‘Rilindjes’.
Dëmi ju shkaktua Shqipërisë sepse me ato lekë u vodhën zgjedhjet, u vranë njerëz dhe janë bërë shumë krime të tjera.
A përbëjnë deklaratat e Ahmetaj sfidë për SPAK-u?
Problemi është se prokuroria speciale dhe gjykata speciale në Shqipëri nuk u ngritën si plotësim i instrumentave kushtetues. Kushtetuta jonë nuk e kishte parashikuar një gjykatë speciale apo një prokurori speciale. Ato nuk u bënë si një plotësim i pushtetit të 3 ose të 4 por u ngritën për të ndryshuar atë totalisht, duke prodhuar një skandal të jashtëzakonshëm që sot merret një model se si nuk duhet bërë një reformë në drejtësi, që e ka lënë vendin pa gjykatë kushtetuese kushedi sa vite.
A është normale të mos kemi gjykatë kushtetuese? Jo nuk është normale
A është normale që të bëhet vettingu nga lart poshtë? Po është
E gjitha kjo krijon një kaos, por më vonë kjo u justifikua me moralin. Pra këtu krimi i organizuar dhe korrupsioni ka arritur në atë nivel sa ne do shkatërrojmë diçka për të krijuar diçka që të shpëtojmë vendin.” tha ai.
