Senati amerikan ka nisur seancat e konfirmimit për Robert F. Kennedy Jr., i emëruari i Presidentit Donald Trump për postin e Sekretarit të Shëndetësisë.
Seanca dëgjimore në Komisionin e Senatit për Ekonominë u shoqërua me tensione, pasi disa protestues ndërprenë procesin para se të nxirreshin jashtë.
Kennedy, 70 vjeç, është një figurë polemizuese për shkak të qëndrimeve të tij mbi vaksinat, gjë që ka shkaktuar kundërshtime nga të dyja palët politike. Ai pritet të dëshmojë edhe para komisionit të Senatit që mbikëqyr çështjet e shëndetit publik.
Megjithëse kandidatura e tij mbetet e diskutueshme, Senati i kontrolluar nga republikanët nuk ka refuzuar asnjë nga emërimet e Trump deri më tani. Rasti më i fundit ishte ai i Pete Hegseth për postin e Sekretarit të Mbrojtjes, i cili u konfirmua me një diferencë minimale, falë votës vendimtare të Nënpresidentit JD Vance.
