Kryeministrja Giorgia Meloni është vënë nën hetim nga autoritetet italiane për favorizim dhe shpërdorim detyre lidhur me lirmin dhe riatdhesimin e komandantit libian Ossama al-Masri në vendin e tij, ndërkohë që Gjykata Penale Ndërkombëtare ka lëshuar urdhër-arrest ndaj tij.
Bashkë me Melonin nën hetim janë vënë dhe nënsekretari i Brendshëm Alfredo Mantovano dhe ministri italian i Drejtësisë, Carlo Nordio, dhe ministri i Brendshëm, Matteo Piantedosi.
Lajmin e ka bërë të ditur vetë kryeministrja Giorgia Meloni me një video në rrjetet e saj sociale, ku ka deklaruar se prokurori i Republikës, Francesco Lovoi, i njëjti që u mor me procesin e dështuar ndaj Matteo Salvinit për akuzën e arrestimit të paligjshëm, i ka dërguar njoftimin që ajo ndodhej nën hetim lidhur me ngjarjen që ka të bëjë me rikthimin e Almasrit në Libi.
Hetimet nsën pas një denoncimi të bërë nga avokati Luigi Li Gotti, ish-politikan i majtë dhe mbështetës i personazheve të njohur si Buscetta dhe Brusca.
Meloni deklaron se nuk shantazhohet nga këto nisje hetimesh ndaj saj, por do të vazhdojë rrugën në mbrojtje të italianëve.
“Prokurori Publik Francesco Lovoi, i përfshirë edhe në gjyqin e dështuar të Matteo Salvinit për rrëmbim, sapo më dërgoi një njoftim hetimi për ‘krimet e ndihmës dhe përvetësimit në lidhje me çështjen e riatdhesimit të shtetasit Almasri’. Një njoftim hetimi, saktëson Meloni, dërguar edhe ministrit Carlo Nordio, Matteo Piantedosi dhe Alfredo Mantovano, besoj se ka ardhur pas një ankese të paraqitur nga avokati Luigi Li Gotti, një politikan shumë i majtë pranë Romano Prodit, i njohur për mbrojtjen e kriminelëve të kalibrit të Buscetta, Brusca dhe mafioz të tjerë.
Mendoj se ajo që ishte e vlefshme dje vlen edhe sot: Nuk mund të shantazhohem dhe nuk jam e frikësuar, ka mundësi që për këtë arsye të mos më pëlqejnë ata që nuk duan që Italia të ndryshojë. Por gjithashtu dhe mbi të gjitha për këtë kam ndërmend të vazhdoj rrugën time në mbrojtje të italianëve, veçanërisht kur rrezikohet siguria e kombit”, deklaron Meloni.
Meloni dha edhe një version të ngjarjes
Meloni deklaroi se Gjykata Ndërkombëtare Penale, pas disa “muajsh reflektimi”, ka nxjerrë një urdhër arresti për shefin e policisë gjyqësore të Tripolit, pikërisht në momentin kur ky person po përgatitej të hynte në territorin italian, pas 12 ditësh qëndrimi në shtete të tjera evropiane.
Ajo gjithashtu theksoi se kërkesa për arrestimin nga Prokuroria e Gjykatës Ndërkombëtare Penale nuk ishte dërguar në Ministrinë italiane të Drejtësisë, dhe si pasojë, Gjykata e Apelit në Romë vendosi të mos e konfirmonte urdhrin për arrestim.
Në vend që ta linin të lirë këtë person në territorin italian, qeveria vendosi ta dëbonte dhe ta rikthente menjëherë për arsye sigurie me një fluturim të posaçëm, ashtu siç ndodh dhe në raste të tjera të ngjashme.
Ky vendim dhe veprim nga ana e qeverisë ka nxitur një reagim të fortë nga aleatët e saj politikë.
Zv/kryeministri Matteo Salvini reagoi menjëherë duke thënë “Turp, turp, turp”, dhe duke krahasuar këtë rast me akuzat që ai kishte pasur në Palermo, ku po të njëjtin prokuror e akuzoi për veprime të paligjshme. Salvini kërkoi gjithashtu një reformë të menjëhershme të sistemit të drejtësisë.
Ministri i Jashtëm, Antonio Tajani, gjithashtu shprehu mbështetje për Melonin dhe kolegët e saj, duke theksuar se do të qëndronte në anën e tyre dhe duke kritikuar këto veprime që ai i cilësoi si një hakmarrje ndaj reformës së drejtësisë që po zhvillohet në Itali.
