Analisti, Enton Abilekaj, ka komentuar deklaratat e ish-zëvendëskryeministrit Arben Ahmetaj.
Abilekaj tha se për herë të parë kemi disa dëshmi konkrete si dëshmitarë në vetë të parë të Arben Ahmetjatdhe se akuzat që janë në vetë të parë janë akuza që nuk mund të kalojnë në heshtje nga qeveria.
Më tej analisti tha se nëse Arben Ahmetaj është kontaktuar nga vetë Rama dhe i është kërkuar që t’i japë borxhin publik një miku të tij, kjo është një akuzë shumë e rëndë.
“Akuzat si dëshmitar në vetë të parë të zotit Ahmetaj janë akuzat më të rëndësishme, sigurisht edhe pjesa tjetër e akuzave nuk është e parënbdësishme, por këto që jan në vetë të parë, këto janë akuza që nuk mund të kalohen në heshtje ashtu siç ka vendosur qeveria ta bëjë për shkak të mungesës së alibisë. Pra, në qoftë se zoti Ahmetaj ka deklaruar që është kontaktuar personalisht nga kryeministri, i është kërkuar personalisht nga kryeministri që borxhin publik, atë eurobondin, t’ia shesë një miku të vet izraelit, kjo ka nevojë të sqarohet. Se kjo është një dëshmi në vetë të parë. Sigurisht që kjo nuk ka ndodhur, por kjo tentativë për ta bërë këtë gjë është një përgjegjësi shumë e madhe. Imagjinoni sikur të ndodhtë, imagjinoni sikur ta merrte përsipër rriskun ministri i financave të kohës dhe kjo të ndodhtë cfarë do të kishim ne sot. Do të kishim një borxh publik prej një 1 miliardë eurosh në një kompani privatë të një miku të Edi Ramës, që pastaj nuk do dinim fatin. E dyta është që i njëjti person përmendet nga zoti Ahmetaj që do ndërtonte një pallat aty ku ndodhet konsullatë shqiptare në Neë York. Kjo ka nevojë edhe për një deklaratë apo konfirmim nga Ditmir Bushati. Këto janë akuza të rënda që lidhen me qeverisjen, me mënyrën se si qeveris Edi Rama. Pra, në qoftë se Edi Rama qeveris me klientë personalë ashtu siç ne e kemi dyshuar, këto janë fakte që na tregojnë se ky qeveris me klientë personalë. Dhe fakti që i ve kapakun çështjes së izraelitit të famshëm është që ai është bërë aksioner i Air Albania, pra, pasi nuk mori dot borxhin, pasi nuk mbaroi punë me konsullatën, Rama e merr dhe e fut aksioner te Air Albania që është edhe falimentuar pasi mbahet duke mos paguar detyrimet në shtet.
Pastaj akuzat më të rënda janë akuzat për lukse personale. 14 mijë euro udhëtime me charter, vizitat në Itali për detox, apo 28 mijë dollarë bileta për ndeshjen e basketbollit dhe nuk jep asnjë shpjegim. Pra këto akuza tregojnë se ne këtu kemi një emirat personal të Edi Ramës dhe ai qeveris si të dojë”,- u shpreh Abilekaj.
Më tej ai komentoi edhe faktin që nga këto deklarata me fakte të Arben Ahmetajt, tregojnë që drejtësia në Shqipëri është totalisht e kapur.
“Një drejtësi që nuk shikon Edi Ramën kur ulet në një poltron 22-mijë dollarë, kur dëgjon këtë të eurobondit që ishte 1-miliardë dollarë dhe SPAK nuk lëviz fare, dëshmon se është një vegël në duart e tij. SPAK është një zgjatim i Edi Ramës dhe ai që ka iluzion se SPAK është i pavarur, atëherë nuk ka më asnjë shpresë të ndryshojë mendim sepse faktë më të rënda se këto nuk ka më cfarë të ketë“, tha analisti Abilekaj.
