Tre aksidente me vdekje janë regjistruar në dy ditët e fundit në Shkodër. Dy prej viktimave kanë qenë drejtues motorash, teksa një tjetër drejtues biçiklete, teksa janë përplasur nga makinat.
Autoritetet policore raportojnë se kanë arrestuar drejtuesit e automjeteve të cilët kanë shkaktuar aksidentet me vdekje, më konkretisht shtetasit:
- K. D., 28 vjeç, pasi në aksin rrugor Shkodër-Koplik ky shtetas duke drejtuar automjetin e tij, ka përplasur motomjetin me drejtues shtetasin B. T., 84 vjeç. I cili ka humbur jetën në Spitalin Rajonal të Shkodrës.
- E. M., 35 vjeçe., banuese në Shirokë. Në aksin rrugor Shirokë-Shkodër, kjo shtetase duke drejtuar automjetin e saj, ka përplasur shtetasin S. Rr., 70 vjeç, që lëvizte me biçikletë, i cili ka humbur jetën në Spitalin Rajonal të Shkodrës.
- L. B., 24 vjeçe., pasi ditën e sotme në aksin rrugor Shkodër-Koplik, kjo shtetase duke drejtuar automjetin e saj, ka përplasur motomjetin me drejtues shtetasin K. Xh., 70 vjeç, i cili ka humbur jetën në Spitalin Rajonal të Shkodrës.
Materialet procedurale i kaluan Prokurorisë së Shkodrës për veprime të mëtejshme.
