Gazetari izraelit Amit Segal deklaroi dje se qeveria shqiptare dhe administrata e presidentit amerikan Donald Trump po zhvillojnë bisedime për mundësinë e zhvendosjes së deri në 100 mijë banorëve nga Gaza në Shqipëri. Ai tha se Egjipti dhe Jordania pritet të refuzojnë strehimin e refugjatëve nga Gaza, duke përmendur Shqipërinë dhe Indonezinë si alternativa më të realizueshme.
Edi Rama e përgjënjeshtroi lajmin, por ish-ministri Genc Pollo shprehet skeptik dhe mosbesues ndaj fjalës së kryeministrit.
Pollo shprehet se ata duhet të zhvendosen në një vend tjetër arab që ka hapësirën e nevojshme për jetesë dhe jo në Evropë apo Shqipëri.
Pollo kërkoi që Partia Demokratike të prononcohet publikisht kundra kësaj ideje të mbrapshtë.
“Media izraelite sugjeron që po negociohet me qeverinë shqiptare strehimi i 100 mijë palesinezëve në vendin tonë.
Shpresoj shumë që të mos jetë e vërtetë dhe që të mund të besojmë përgënjeshtrimin e Edi Ramës.
100 mijë palestinezë arabë duhet të zhvendosen (nëse është e nevojshme) në një vend tjetër arab që ka hapësirën (sipërfaqen) e nevojshme për jetesë.
Ky nuk është rasti në Evropë duke përfshirë Evropën Juglindore, duke përfshirë edhe Shqipërinë!!!
Partia Demokratike/opozita duhet të prononcohet publikisht kundra kësaj ideje të mbrapshtë.”– shkruan Pollo.
