Presidenti kolumbian Gustavo Petro ka njoftuar se ka ndaluar hyrjen e avionëve ushtarakë amerikanë që transportojnë emigrantë të deportuar në hapësirën ajrore të vendit të tij, duke thënë se ai do të pranojë vetëm fluturime civile që i trajtojnë këta njerëz “me dinjitet”.
Një zyrtar amerikan i tha Reuters se Kolumbia ka refuzuar hyrjen dy avionëve ushtarakë që ishin nisur nga Kalifornia dhe që transportonin mbanin rreth 80 emigrantë secili.
“Një emigrant nuk është kriminel dhe duhet të trajtohet me dinjitetin që i takon një qenieje njerëzore. Kjo është arsyeja pse ne i shtymë avionët ushtarakë amerikanë që po transportonin emigrantë kolumbianë”, tha Petro në një postim në Platformën X.,” shtoi ai.
“Do t’i presim qytetarët tanë me avionë civilë, pa i trajtuar si kriminelë”, përfundoi ai.
Kujtojmë se Brazili kërkoi dje një shpjegim nga Uashingtoni për “trajtimin poshtërues” të emigrantëve të paligjshëm brazilianë që u dëbuan nga Shtetet e Bashkuara dhe mbërritën të premten në Manaus me avion ushtarak.
Sipas qeverisë braziliane, në bordin e këtij avioni ndodheshin 88 brazilianë.
Trump u përgjigj me “luftë tarifash”
Donald Trump tha të dielën se Shtetet e Bashkuara do të vendosin sanksione dhe tarifa gjithëpërfshirëse kundër Kolumbisë për refuzimin e saj për të pranuar avionë ushtarakë amerikanë që transportonin emigrantë të paligjshëm.
Në një postim në Truth Social, Trump tha se Shtetet e Bashkuara do të vendosin një tarifë emergjente prej 25 për qind për të gjitha mallrat kolumbiane që hyjnë në Shtetet e Bashkuara dhe do ta rrisin atë në 50 për qind brenda një jave.
