Duke përballuar të ftohtin, Chris MacRitchie u zhyt në një lumë të ngrirë të Vermontit për të shpëtuar një qen në rrezik. Shpëtimi dramatik i qenit u filmua nga djali i tij Chris dhe u postua në rrjetet sociale.
Qeni u pikas nga djali teksa familja kalonte me makinë pranë vendit të ngjarjes. Kur arritën në argjinaturën e lumit, babai i dy fëmijëve mendoi se nuk kishte zgjidhje tjetër veçse të shpëtonte qenin e vogël.
“Ishte si një nga ato momentet që ndoshta të gjithë kanë pasur në jetën e tyre, ku juve ju duhet të merrni një vendim… Ose të përpiqeni të futeni në ujë dhe të ndihmoni, sepse alternativë tjetër nuk ka,” tha MacRitchie. “Kështu që u ndjeva i detyruar që të paktën të përpiqesha ta nxirrja atë qen nga lumi, pasi unë vetë kam dy qen dhe do të shpresoja që dikush do ta bënte këtë për ta nëse do të ishin në të njëjtën,” shtoi ai.
Videoja tregon MacRitchie – i veshur me një bluzë, pantallona të gjera dhe çizme – duke iu afruar argjinaturës së lumit ndërsa qeni përpiqet të dalë. Në fillim ai i thërret qenit dhe gruaja e tij, Erica, dëgjohet duke e inkurajuar që ta shpëtojë.
“I vetmi ankth që kisha ishte thellësia. Kur mora vesh që ishte deri në bel, u lehtësova”, tha Chris. Pasi shpëtoi qenin, MacRitchie thirri pronarin e tij, Morgan Cerasoli, numri i të cilit ishte në zinxhir.
Cerasoli tha se ajo kishte kërkuar për qenin e saj që nga e enjtja. Ajo ishte rrugës për të marrë vajzën e saj nga shkolla kur mori një telefonatë nga MacRitchie.
Pasi u ribashkua me qenin e saj, Cerasoli tha se e pa videon dhe shpërtheu përsëri në lot.
“Është guxim, është vetëmohues, është e lavdërueshme”, tha ajo për shpëtimin. “Ndonjëherë më duket se kjo është shumë e rrallë këto ditë”, përfundoi ajo.
“I vetmi ankth që kisha ishte thellësia. Kur mora vesh që ishte deri në bel, u lehtësova”, tha Chris. Pasi shpëtoi qenin, MacRitchie thirri pronarin e tij, Morgan Cerasoli, numri i të cilit ishte në zinxhir.
Cerasoli tha se ajo kishte kërkuar për qenin e saj që nga e enjtja. Ajo ishte rrugës për të marrë vajzën e saj nga shkolla kur mori një telefonatë nga MacRitchie.
Pasi u ribashkua me qenin e saj, Cerasoli tha se e pa videon dhe shpërtheu përsëri në lot.
“Është guxim, është vetëmohues, është e lavdërueshme”, tha ajo për shpëtimin. “Ndonjëherë më duket se kjo është shumë e rrallë këto ditë”, përfundoi ajo.
