Një zyrtar i lartë i Hamasit, Basem Naim, tha se një marrëveshje për armëpushim në Gazë midis Izraelit dhe Hamasit nuk do të ishte e mundur pa presidentin e sapo zgjedhur të SHBA-së, Donald Trump, dhe dërguarin e tij, Steve Witkoff.
Ai shtoi se Witkoff kishte regjistruar të gjitha detajet dhe pengesat, duke bërë presion, veçanërisht mbi qeverinë izraelite.
Naim gjithashtu e lidh vonesën disa mujore në arritjen e marrëveshjes me pasigurinë dhe mbështetje të padiskutueshme për Izraelin nga administrata e Joe Biden.
Në marrëveshje, Hamas do të lirojë 33 të burgosur izraelitë, ndërsa Izraeli do të lirojë të gjitha gratë dhe fëmijët palestinezë nën 19 vjeç që ndodhen në burgjet izraelite.
Pavarësisht kësaj, sulmet ajrore izraelite vazhduan, duke shkaktuar viktima, ndërkohë që marrëveshja nuk do të jetë zyrtare deri sa të miratohet nga kabineti i sigurisë izraelite dhe qeveria.
Izraeli fajësoi Hamasin për vonesën e minutës së fundit, ndërsa Hamasi tha të enjten se mbetet i përkushtuar ndaj marrëveshjes, e cila do të hyjë në fuqi të dielën.
