Pavarësisht se është fajtor për largimin e rreth 1 milion shqiptarëve gjatë qeverisjes së tij, kryeministri Edi Rama vazhdon të tallet me familjet që janë larguar nga vendi.
Në podcastin e tij “Flasim”, çuditërisht Rama u kërkon emigrantëve që të kthehen në Shqipëri por në të vërtetë nuk shpalos asnjë program për të nxitur të paktën frenimin e fenomenit të largimit të të rinjve nga vendi.
Gjatë propagandës dhe përpjekjes për t’i hedhur “hi syve” qytetarëve, Rama arrin deri në “pikën” teksa thotë se Shqipëria është më mirë se Gjermania.
“Atje në Gjermani ka taksa, transporte etj. Ndërkohë po të vijë këtu dhe të zgjeroni atë që kam parë unë, që është një mrekulli, do ti dalë më mirë atij. I del më mirë llogaria, me laps. Agroturizmi taksa nuk ka, tvsh e kemi bërë 6%. Le që ju nëse jeni nën atë nuk paguani tvsh. Kemi një program të ri që do shpallim së shpejti, që do japim mbështetje financiare për këto aktivitete ju me atë që keni bërë e merrni atë mbështetjen. Është një mbështetje e kombinuar kredi e bute më grand dhe e bëni tamam, tokë keni atje. Ca bën ai atje gjermani, marangoz. E mori profesionin atje le të vijë të punojë këtu. Është bërë e vështirë në gjermani për gjermanët, jo më për ne”, tha ndër të tjera Rama.
