Marrëdhëniet më të mira me vendet fqinje Serbia i ka me Bosnjë e Hercegovinën e Maqedoninë, ndërsa më të këqijat i ka me Kroacinë e Shqipërinë.
Mali i Zi është në vendin e tretë në mesin e shteteve me të cilat Serbia i ka marrëdhëniet më të mira.
Ky është rezultati i një ankete zhvilluar me qytetarë të Serbisë.
Në mesin e shteteve anëtare të BE-së, të anketuarit serbë mendojnë se miqtë më të mëdhenj i kanë Gjermaninë, Greqinë, Spanjën dhe Austrinë ndërsa armiqtë më të mëdhenj për ta janë Kroacia, Britania e Madhe dhe Franca, transmeton Koha.net.
Sipas kësaj ankete, gjysma e qytetarëve të Serbisë parimisht e përkrah anëtarësimin në BE, porse, po të mbahej referendumi për hyrjen e Serbisë në Union, për të do të votonin 49,5 për qind e qytetarëve.
62 për qind e të pyeturve kanë thënë se Serbia ka dobi nga bashkëpunimi me BE-në.
