Nuredin Dumani ka vijuar dhënien e dëshmisë para gjykatës, ku pasi nxorri emrin e një familjari të ish-ministrit Nasip Naço, ditën e sotme ka folur për disa vrasje si dhe për përfshirjen e oficerëve të policisë.
Gazetarja Anila Hoxha teksa iu referua dëshmive të të penduarit tha se Dumani ka një kujtesë të fortë dhe kujton çdo detaj.
I penduar është edhe Erjon Alibeaj. Regis Runaj është një nga personat e vrarë që Dumani ka treguar sot. Ka thënë se Erjon Alibeaj ishte në dijeni të kësaj çështje dhe se Alibeaj njoftohej nga oficerët e policisë se çfarë ndodhte në hetime.
Dumani ka treguar gjithashtu edhe si përdoreshin autorët e vrasjeve, si do zbatoheshin urdhrat. Po kështu Dumani ka folur edhe për Suel Çelën.
I penduari i drejtësisë dha detaje në lidhje me ekzekutimin e Regis Runajt, e urdhëruar nga vetë Dumani në bashkëpunim me Erion Alibejn.
Dumani tha se Alibej merrte informacione nga kryekomisari Palushi në lidhje me hetimet, ku ky i fundit është arrestuar më parë nga policia.
Hoxha: Ka kujtesë…është i dyti pas Adriatik Colit me një kujtesë të tillë qelizore, në mënyrën se si ai tregon. Kur foli për vrasjen e Regis Runajt, e habitshme ka thënë që Erion Alibej ishte në brendi të hetimeve për zbardhjen e vrasjes dhe njoftohej për deklaratat që jepeshin në polici. Sërish ka përmendur edhe një zyrtar që është arrestuar më herët, kryekomisar që është arrestuar bashkëpunonte me Alibejn, Palushi. Doli gjykata dhe policia e Elbasanit në dosjen e fundit nga përgjimet e Sky Ecc. Ai tregoi se si autorët përdornin Matrix për mënyrën se si do vendosej në zbatim vrasja e biznesmenit, Dumani ka përmendur Suel Çelën i cili vijon të jetë një i shumëkërkuar.
