Ish-portieri i Real Madridit, Iker Kasijas arriti të fitonte gjithçka me madrilenët, por në fund largimi i tij nuk ishte ndoshta ai më i bukuri, nuk ishte largimi që çdo legjendë do të dëshironte pasi u detyrua ta linte skuadrën mes lotëve të zhgënjimit duke mos marrë atë që meritonte.
Aventura e tij nisi në Portugali me skuadrën e Portos dhe ky transferim duket se e ka bërë Kasijasin të mos e ndiejë mungesën e një klubi si Reali. Në një intervistë për “El Laguero”, Kasijas ka folur për të kaluarën e tij, duke u shprehur se Reali është thjeshtë pjesë e saj dhe se nuk i mungon më, por nuk e mohon që është një tifoz i Realit.
“Në fakt Real Madridi nuk më mungon pasi është pjesë e së kaluarës dhe si e tillë duhet të lihet pas. Unë i jam mirënjohës Realit për gjithçka që ka bërë për mua sepse më ka mundësuar të luaj ndeshje të mëdha, të fitoj shumë tituj dhe të luaj për Kombëtaren.
Jam ende një tifoz i Realit dhe si i tillë e shijoj çdo ndeshje që luajnë, madje mund të them se kam një emocion tepër pozitiv kur ata fitojnë”, u shpreh Kasijas.
