Trajneri i mirënjohur, Mirel Josa ka marrë drejtimin e stolit te klubi i Vëllaznimit të Gjakovës. Lëvizje surprizë për strategun e trajningut, i cili ka drejtuar më herët klube me emër. Veç kësaj, Mirel Josa ka rënë dakord dhe do jetë pjesë e Ligës së Parë të futbollit në Kosovë dhe jo elitës (Superligës).
Deri para tre javësh 61-vjeçari ishte pjesë e Besës së Kavajës nga ku u shkarkua për rezultate jo të mira. Rikthim në Kosovë për Josën, i cili te Prishtina fitoi Kupën. Më herët në karrierën e tij Josa ka drejtuar ekipe si Tirana, Vllaznia, Elbasani, Teuta, Skënderbeu, Shkumbini, Prishtina, Kukësi, Laçi dhe Besa.
Josa ka fituar pesë herë titullin kampion në Superligën e Shqipërisë, dy herë Kupën e Shqipërisë dhe dy herë fitues i Superkupës.
