Ulja e çmimit të energjisë me vetëm 1 lek cilësohet si “shashkë” elektorale nga eksperti i ekonomisë dhe i financave, Zef Preçi.
I ftuar në studion e “Task Force” në Syri TV, Preçi deklaron se në thelb, kjo ndryshon ndonjë gjë të madhe pasi vetëm 50 mijë familje janë që shpenzojnë mbi 700 kw/h.
“Duhet thënë që në masa të kësaj natyre, vendi krahasohet me vendet e Bashkimit Europian. Gjatë vitit 2024 janë 10 vende të BE që kanë rritur çmimin dhe 15 e kanë ulur. Kjo lidhet me burimet e energjisë elektrike, me ndryshimet strukturore, me përmirësimet e menaxhimit.
Në rastin tonë, asnjë prej këtyre nuk ka lidhje. Ishte një shashkë elektorale e pompuar me kujdes gjatë gjithë kohës. Në thelb nuk është se ndryshon ndonjë gjë të madhe.
Po të shohësh 35 milionë euro, vetëm 50 mijë familje janë që shpenzojnë mbi 700 kë/h.
Dua të them që është një shashkë elektorale. Në rastin konkret nuk tha asgjë kryeministri mbi ‘shëndetin financiar’ të kompanive të sistemit energjetik.
Ka 4-5 vjet që s’ka raporte auditi. Në këtë këndvështrim është një shashkë elektorale, që dikush edhe e ‘gëlltit’”– tha Preçi.
