Një aksident automobilistik është regjistruar pasditen e kësaj të marte në autostradën Durrës-Tiranë.
Nga informacionet paraprake mësohet se një automjet tip “Golf 5” është futur në tentativë për të parakaluar, por është përplasur me një kamion, duke përfunduar “i ngjeshur mes trafik-ndarëses dhe kamionit.
Fatmirësisht, nga aksidenti nuk ka pasur të lënduar, por për shkak të dëmtimit të trafikut dhe ngërçit, janë krijuar radhë kilometrike të automjeteve
Policia ndodhet në vendin e ngjarjes, ku po punon për zhbllokimin e trafikut, por dhe për hetimin për zbardhjen e plotë të rrethanave të aksidentit.
