Një rast i kontrabndës është goditur nga policia në Portin e Durrësit. Një sasi prej 670 000 litra naftë e dyshuar e kontrabanduar nga Tunizia është sekuestruar nga autoritete shqiptare në Durrës.
Policia përmes një njoftimi për mediat, bën me dije gjithashtu se ne kuader te operacionit “Ari i zi” është sekuestruar anija me të cilën ishte kontrabanduar nafta, 14 dokumente identifikimi dhe dokumente për lundrim, 10 celularë dhe dokumente të tjera që do t’i shërbejnë hetimit për rastin.
Në pranga u vunë 3 shtetas dhe u proceduan në gjendje të lirë 5 të tjerë (shqiptarë dhe të huaj), pjesëtarë të ekuipazhit të anijes.
“Si rezultat i punës së inteligjencës policore dhe bashkëpunimit mes disa agjensive, u organizua dhe u finalizua operacioni policor i koduar “Ari i zi”.
Gjatë operacionit u arrestuan në flagrancë shtetasi sirian M. K., 45 vjeç, me detyrë kapiten i anijes, shtetasi shqiptar E. C., 43 vjeç, me detyrë marinar i anijes, si dhe shtetasi indian S. V., 42 vjeç, me detyrë oficer i parë i anijes. Gjithashtu, u identifikuan dhe u shpallën në kërkim organizatorët e dyshuar të këtij rasti, shtetasit E. S., 59 vjeç, banues në Durrës, dhe F. B., 29 vjeç, banues në Zvicër.
Më tej, gjatë këtij operacioni, u referuan materialet në Prokurori, ku nisi procedimi në gjendje të lirë për 5 pjesëtarë të tjerë të ekuipazhit të anijes, përgjegjës për mirëmbajtjen e mjetit.
Nga kontrolle në anije, në balastrat që shërbejnë për balancimin e mjetit, u gjetën përkatësisht 670 000 litra naftë e dyshuar e kontrabanduar nga Tunizia”, thotë policia.
Materialet procedurale i kaluan Prokurorisë, për veprime të mëtejshme.
Kush janë të arrestuarit?
Gjatë operacionit “Ari i Zi”, tre persona kanë rënë në pranga, ndërsa 5 perona të tjerë janë proceduar nga policia.
Sipas unifroamve blu, janë vënë në pranga shtetasi sirian Mohammd Kahilah, 45 vjeç, me detyrë kapiten i anijes, shtetasi shqiptar Eneo Cano, 43 vjeç, me detyrë marinar i anijes, si dhe shtetasi indian Sushil Vema, 42 vjeç, me detyrë oficer i parë i anijes.
Gjithashtu janë identifikuar dhe shpallur në kërkim organizatorët e dyshuar, shtetasit me iniciale E. S., 59 vjeç, banues në Durrës, dhe F. B., 29 vjeç, banues në Zvicër.
Sasia prej 670.000 litra naftë, e dyshuar e kontrabanduar nga Tunizia, u gjet gjatë kontrolleve në anije, në balastrat që shërbejnë për balancimin e mjetit.
Nafta është sekuestuar, si edhe anija me të cilën ishte kontrabanduar nafta, 14 dokumente identifikimi dhe dokumente për lundrim, 10 celularë dhe dokumente të tjera që do t’i shërbejnë hetimit për rastin.
Më tej, gjatë këtij operacioni, u referuan materialet në Prokurori, ku nisi procedimi në gjendje të lirë për 5 pjesëtarë të tjerë të ekuipazhit të anijes, përgjegjës për mirëmbajtjen e mjetit.
