Mbrojtësi i Barcelonës, Injigo Martinez përballet me finalen e sotme me besim të plotë, pavarësisht se përballë do të jetë as më shumë e as më pak por Reali i Madridit.
Ai nuk ka frikë se do të përballet me kampionët e Spanjës dhe të Europës në fuqi, që janë ngritur dukshëm në nivel muajt e fundit.
“Ne e dimë se çfarë duhet të bëjmë, ku mund ta sulmojmë atë dhe t’i bëjmë dëm. Le të shkojmë për finalen, ne kemi besim të plotë. Ne e presim me padurim këtë finale, sepse është titulli i parë dhe është gjithmonë kënaqësi të fitosh një të tillë”, tha ai në një prononcim për “Barça One”.
Qendërmbrojtësi pranoi se skuadra ka bërë shumë mirë për ta nisur 2025-ën me dy fitore pa pësuar gola dhe beson se titulli do t’i jepte një shtysë më shumë për ndeshjet e ardhshme.
“Mund të jetë titulli i parë i vitit. Besojmë se mund të na japë një shtysë në garat e tjera të mbetura”, komentoi ai.
