Klubi i Kukësit ka bërë zyrtar afrimin e radhës në merkaton e janarit, ku ekipi po ndryshon një pjesë të rëndësishme të boshtit të tij. Verilindorët kanë bërë të ditur se kanë nënshkruar me mesfushorin Irgen Hasanaj.
Sapo ka firmosur kontratën e tij me klubin e ri, Hasanaj më pas është bashkuar me ekipin për stërvitje.
Kujtojmë se te Dinamo, 20 vjeçari këtë sezon nuk ka luajtur dot as edhe një minutë.
“Futboll Klub Kukësi njofton se ka arritur marrëveshjen me FC Dinamo City për transferimin e futbollistit Irgen Hasanaj!
Mesfushori 20-vjeçar ka firmosur për 3.5 sezone me klubin tonë dhe është bashkuar menjëherë me skuadrën”, shkruhej në njoftimin e Kukësit.
