Propoaganda është në fokusin kryesor të qeverisjes së Edi Ramës, ku ministrat, deputetët dhe kryebashkiakët e tij, i kanë të mbushura profilet e tyre në rrjetet sociale me foto dhe video ku shfaqen duke “punuar” me zell të madh.
E të njëjtën gjë po mundohet të bëjë edhe ministri i Mbrojtjes, Pirro Vengu, i cili ka publikuar një foto ku shfaqet me dylbi duke vështruar “armiqtë”. I fokusuar tek pozicioni për të dalë sa më bukur në foto, Vengu ka harruar detajin se kapakët e dylbive janë të mbyllur.
Fotografia është publikuar edhe nga kreu i PD-së, Sali Berisha, i cili e konsideron Pirro Vengun si “dezertori i NATO-s”, për faktin se ai nuk u paraqit për të kryer shërbimin ushtarak në Greqi si shtetas grek.
“Dezertori i NATO-s (nuk u paraqit për të kryer shërbimin ushtarak kur u thirr si shtetas grek, por u fsheh) Ministri i Mbrojtjes, Pirro Vengu po kqyr terrenin me dylbi, por pa ju hequr kapakët.” – shkruan Berisha.
