Një vit nga atentati me snajper i Gëzim Sinomatit, djalit të Sokol Sinomatit i njohur ndryshe me nofkën Buzderri. Policia e Vlorës ende nuk e ka zbardhur ngjarjen.
Ngjarja ndodhi në 7 janar 2024 ku rreth orës 22:00 në sallën operative është dhënë njoftimi për të shtëna me armë. Policia dhe FNSH të cilët menjëherë shkuan në vendin e ngjarjes konstatuan se nuk bëhej fjalë për kallashnikov, por një ekzekutim mafjoz i realizuar me kujdesin më të madh nga atentatorët.
U zbulua se nga sedilja e pasme e një automjeti, mbështeur në një bllok betoni është qëlluaë një herë në katin e tretë të pallatit ku jetonte Gëzim Sinomati. Gëzim Sinomati sapo kishte dalë në ballkon për të pirë cigare kur një plumb i mori jetën.
Policia dyshonte në atë kohë edhe për ngatërrim shënjestre, me xhaxhanë e vetë Benardin, por ende hetimet vijojnë edhe sot e kësaj dite. Ish-drejtori i Policisë së Vlorës Ermal Muça gjatë kohës që drejtone Policinë në Vlorë, në prezencë edhe të ish – ministrit të Brendshëm Taulant Balla tha se ngjarja do te zbardhet shume shpejt, por kur sot po bëhet një vit, ngjarja mbetet pa autor.
Ngjarja e cila tronditi qytetin e Vlorës vitin e kaluar ndodhi në afërsi të Poliklinikës së qytetit. Policia bëri me dije gjatë asaj kohe se një automjet tip BMV qëndroi afro 30 minuta përballë shtëpisë së Gëzim Sinomatit dhe në një moment kur energjia u shkëput rreth 10 minuta, ndaj Gëzimit u qëllua me një plumb duke e lënë të vdekur në vend.
Pas kësaj ngjarjeje vetëm në fund të vitit të kaluar kanë ndodhur tre episode, dy në Vlorë dhe një në Tiranë, të cilat kanë tronditur qytetin dhe sipas A2 CNN, besohet se kanë lidhje mes tyre.
Mendohet se lënda eksplozive e vendosur në lokalin The Boss në Lungomare më 8 Dhjetor 2024, më pas atentati ndaj Kevit Hajrulla në 18 dhjetor në zonën e Çoles, por njëkohësisht edhe ngjarja në Tiranë ku u vendos tritol me dron në shtëpine e marrë me qera nga Elena Arza ku qëndronte dhe Benard Sinomati, janë ngjarjet të cilat kanë ndezur sërish përplasjet e bandave në Vlorë. Fitili i përplasjeve i cili u ndez me ekzekutimin e Gëzim Sinomatit një vit më parë
