Dy muaj më parë, Real Madridi po kërkonte për një trajner të ri, sepse Carlo Ancelotti nuk po e menaxhonte mirë skuadrën, e cila shfaqte probleme serioze në fushë.
Sidoqoftë, italiani ia doli të kthejë situatën në favor të tij dhe Real Madrid sot duket më i qëndrueshëm. Kjo nuk i ka ndryshuar qëllimet e drejtuesve madrilenë, të cilët po kujdesen që të mos gjenden të papërgatitur në qershor.
Ancelotti ka edhe një vit e gjysmë kontratë në Madrid. Sipas të gjitha gjasave, nëse ai fiton kampionatin apo Champions League, do të vijojë punën.
Situata do të ndryshonte e gjitha, nëse Real Madrid e mbyll sezonin pa trofe. Emri i parë dhe ndoshta edhe i vetëm në listën e dëshirave të presidentit Perez është Xabi Alonso, aktualisht i lumtur te Bayer Leverkusen, por i gatshëm për hapin e madh.
