Një avion i linjës Tiranë-Hamburg i kompanisë ‘Wizz Air’ është devijuar dhe është detyruar të ndalojë në aeroportin e Vjenës.
Një qytetar i cili e ka ndjekur fluturimin në aplikacionin FlightRadar, ka ndarë me ne informacionin dhe fotot përkatëse.
Në aplikacion shfaqet qartë rruga e fluturimit dhe njoftimi për devijimin e avionit Airbus A321 me numër regjistrimi HA-LXY.
Mesazhi i qytetarit për JOQ: “Një avion i Wizz-it, nisur për Hamburg, ka devijuar dhe ndaluar në Vjenë. Për siguri, mund të publikoni nese ka ndonjë pasagjer që mund të na thotë a është gjithçka në rregull? Se çfarë nuk po dëgjojmë këto ditë!”
Nga aplikacioni FlightRadar shihet qartë ndalesa që piloti është detyruar të bëjë në aeroportin e Vjenës dhe jo në destinacionin planifikuar, Hamburgun.
Nuk dihet ende se cila ka qenë arsyeja që ka detyruar pilotin që të bëjë këtë ulje emergjente. Mos vallë ka pasur probleme teknike, emergjenca shëndetësore apo trafik të rënduar.
- Incidentet ajrore
Pas tragjedisë me 179 persona të vdekur nga rrëzimi i avionit në Korenë e Jugut, të tjera aksidente ajrore u regjistruan këtë të diele.
Në aeroportin e Halifax-it një avion i “Air Canada” u përfshi nga flakët, një avion sportiv u rrëzua në aeroportin e Shtutgartit, ndërsa një tjetër avion me destinacion Prishtinën u detyrua që të bënte ulje emergjente në Beograd.
