Besa nuk ka ndërmend të ndalet, me kavajasit që po tregohen shumë aktivë në merkato. Me uljen në stol të Emiliano Çelës synohet titulli kampion dhe për të arritur diçka të tillë duhen ende përforcime.
Kështu pas Bedri Grecës që pritet të zyrtarizohet te kavajasit, një tjetër afrim po bëhet gati. Bëhet fjalë për Rodrigo Migone, i cili do të rikthehet në Kategorinë e Parë. Argjentinasi në të kaluarën ka mbajtur veshur fanellën e Erzenit.
28-vjeçari është gati për një tjetër aventurë në Shqipëri, ku me Besës synon të lërë gjurmë. Kujtojmë se aktualisht kavajasit ndodhen në vendin e 3-të dhe ka grumbulluar 38 pikë, 3 pikë më pak se Vora.
