Tre shqiptarë janë arrestuar brenda një jave nga policia angleze, pasi u zbulua një fermë kanabisi me vlerë rreth 2.3 mln paund. Bëhet e ditur se dy shqiptarët kanë kanë pranuar përfshirjen e tyre në një fermë kultivimi kanabisi. Shpëtim Halili, 36 vjeç, dhe Besim Velija, 63 vjeç, u arrestuan pasi policia ushtroi kontroll në Channel Street në mars.
Ndërsa në seancën gjyqësore është thënë se gjatë kontrollit në një ish-magazinë u gjetën më shumë se 1300 bimë, në faza të ndryshme të rritjes. Vlera totale e ngarkesës vlerësohet midis 456,960 dhe 1,142,400 £. Gjithashtu Halili dhe Velija janë deklaruar fajtorë, ndërsa dënimi është shtyrë deri më 30 dhjetor.
Ndërsa javën e kaluar, një burrë 48-vjeçar u burgos për 28 muaj pas zbulimit të kultivimit të kanabisit në një tjetër objekt, ndërsa vlera llogaritet në 1 milion £. Në atë kohë, ngarkesa e madhe e kombinuar e vlerësuar nga policia ishte 2.3 milion £ më e madhja e kapur ndonjëherë në një ditë të vetme në kufijtë skocezë. Petrit Musta, një tjetër shtetas shqiptar, u deklarua fajtor për drogë të klasit B.
Gjatë kontrollit të ushtruar nga policia, u gjetën 360 bimë në një dhomë dhe 1000 të tjera në një dhomë më të madhe. Musta u paraqit në Gjykatën e Jedburgut javën e kaluar. Avokati shpjegoi se klienti i tij kishte punuar në Belgjikë në vitin 2022 dhe kishte paguar 18,000 £ për t’u transportuar në MB me një kamion, ndërsa mbërriti në Birmingham në vitin 2023, ku ai punonte ilegalisht në një lavazh.
