Një 43 vjeçar është arrestuar nga policia e Kurbinit pasi krijoi panik te qytetarët.
Sipas policisë, Gentian Diva ka kërcënuar disa qytetarë pa asnjë shkak, ka thyer xhamin e një automjeti dhe ka terrorizuar klientët në një lokal.
Në momentin e arrestimit, atij iu gjetën dhe iu sekuestruan një thikë, municion luftarak dhe një sasi kanabisi.
43-vjeçari rezulton i dënuar më parë për vjedhje me armë dhe për tentativë për grabitje në bankë.
“Shërbimet e Policisë në kuadër të operacionit policor të koduar “Rekordet”, kanë kapur dhe vënë në pranga personin e denoncuar nga qytetarët, shtetasin G. D., 43 vjeç, banues në Fushë Mamurras.
43-vjeçari i kapur, i dënuar më parë për vjedhje me armë dhe për tentativë për grabitje në bankë.
Ky shtetas ka kërcënuar disa qytetarë, pa asnjë shkak, ka thyer xhamin e një automjeti dhe ka terrorizuar klientët në një lokal.
Në momentin e arrestimit, atij iu gjetën dhe iu sekuestruan një mjet prerës(thikë), municion luftarak dhe një sasi Cannabisi.“- njofton policia.
Materialet procedurale i kaluan Prokurorisë, për veprime të mëtejshme.
