Policia e Pukës ka arrestuar një 38-vjeçar i cili akuzohet se ka dhunuar fizikisht dhe më pas ka tentuar të përdhunojë një 74-vjeçare.
Në pranga është vënë shtetasi Fatmir Shyti, 38 vjeç, person me precedent të mëparshëm kriminal për veprat penale “Dhuna në familje” dhe “Armëmbajtje pa leje”.
“Ndalimi i tij u bë pasi ka ushtruar dhunë fizike dhe ka tentuar të kryejë marrëdhënie seksuale me dhunë me një 74-vjeçare.” – thuhet në njoftimin e Policisë.
Mbi 38-vjeçarin rëndon akuza për veprat penale “Marrëdhënie seksuale me dhunë me të rritura e mbetur në tentativë”.
Materialet procedurale u referuan në Prokurorinë e Shkodrës për veprime të mëtejshme.
