Policia e Korçës ka arrestuar anëtarin e një grupi kriminal të trafikut të lëndëve narkotike të shpallur në kërkim
Në kuadër të operacionit policor të koduar “Pojan” është vënë në pranga shtetasi Aleks Kreshpanji, 54 vjeç, i cili është dënuar me 7 vite burgim nga gjykata. Burimet zyrtare raportojnë se ai është kapur në fshatin Pojan të Maliqit.
“Gjykata e Apelit e Juridiksionit të Përgjithshëm, me vendimin e datës 27 Nëntor 2024, e ka dënuar këtë shtetas, me 7 vjet burgim, për veprën penale “Prodhimi dhe shitja e narkotikëve”, kryer në formën e grupit të strukturuar kriminal, ka qenë pjesë e një grupi që ushtronte veprimtarinë kriminale të shitjes së lëndëve narkotike, në qarkun Korçë.” – thuhet në njoftimin e Policisë.
Materialet procedurale i kaluan Prokurorisë së Korçës për veprime të mëtejshme.
