Autoritetet hoqën paralajmërimin për cunami, pas një tërmeti me magnitudë 7,0 ballë Rihter që goditi brigjet e Kalifornisë Veriore, sipas CNN. Menaxheri i qytetit të Eureka, Kaliforni, tha se nuk ka pasur dëme të konsiderueshme të raportuara deri më tani.
Miles Slattery i tha CNN se nuk ka pasur asnjë thirrje për linja të prishura të gazit ose dëmtime të konsiderueshme strukturore deri më tani. Ai e përshkroi tërmetin e së enjtes si “të gjatë”, por jo aq “të dhunshëm” sa ngjarjet e mëparshme, përkatësisht ato me epiqendër në tokë.
”Tërmeti goditi brigjet, rreth 60 milje në jugperëndim të Ferndale, Kaliforni”, tha Shërbimi Gjeologjik i SHBA.
Eureka ndodhet rreth 19 milje në veri të Ferndale dhe rreth 300 milje në veri të San Franciskos. Pjesë të bregut të Kalifornisë dhe Oregon, përfshirë Eureka, ishin nën një paralajmërim për cunami në minutat pas tërmetit të fuqishëm.
Paralajmërimi që atëherë është anuluar, por Slattery tha se një pjesë e qytetit ishte evakuuar.
”Në dhjetor 2022, një tërmet me magnitudë 6,4 goditi zonën Eureka të Kalifornisë Veriore”, tha Shërbimi Gjeologjik i SHBA-së, duke lënë të paktën dy njerëz të vdekur dhe duke lënë dhjetëra mijëra pa energji elektrike.
”Më pak se dy javë më vonë, një tërmet me magnitudë 5,4 ndodhi rreth 30 milje në jug të Eurekës dhe ishte me qendër rreth 9 milje në juglindje të Rio Dell”, tha USGS.
