Një mjet tip “Hyunday Tuckson” ka përfunduar në kanalin në anë të rrugës automobilistike Lushnje-Berat ne afërsi të fshatit Çiflik.
Mjeti ka dalë nga rruga dhe për pasojë drejtuesja e tij një 25-vjeçare është dërguar me urgjencë në spitalin e Lushnjës dhe ndodhet nën kujdesin e mjekëve.
Policia në vendngjarje po dokumenton aksidentin dhe disiplinon trafikun. Sipas të dhënave paraprake, dyshohet se drejtuesja e mjetit ka humbur kontrollin si pasojë e shpejtësisë dhe lagështisë në rrugë.
