Kryeministri Edi Rama ishte i pranishëm në shkollën “Halit Çoka” në Kamëz ka folur për vrasjen e Martin Canit.
Teksa po mendon që të mbyllë :Tik Tok-un”, Rama është munduar që t’i shuajë zërat mediatikë duke rolin e hetuesit të krimit të rëndë.
Kreu i qeverisë thotë se policia ka video që dëshmon se në këtë krim është vetëm një autor, ndryshe nga çfarë deklarojnë dëshmitarët por edhe vetë shoku i Martin Canit.
Natyrshëm lind pyetja, përse policia hesht dhe nuk e bën publike videon e cili i jep fund dilemave se kush e vrau Martin Canin pranë ambienteve të shkollës duke treguar edhe një herë dështimin e institucioneve arsimore.
“Dy vrasje që kanë ndodhur, ajo e Pogradecit dhe kjo e 14-vjeçarit që ishte një tragjedi shumë e madhe, janë përdorur në mënyrën më abuzive, më skandaloze dhe më të pabesë ndaj opinionit publik, sidomos kjo e fundit, ndaj prindërve, duke sajuar historira, duke vënë në pikëpyetje korrektesën e Policisë së Shtetit në raportim, duke shpikur një autor tjetër.
Kjo vrasje është e regjistruar në video. Jo vetëm që është hetuar me detaje nga prokuroria, por është regjistruar në video. Është nga A-ja te Z-ja si ka ndodhur, nuk ka një autor tjetër, nuk ka një thikë tjetër dhe nuk ka ndodhur siç mund të thotë imagjinata, kur vetvetiu, njeriu vendoset në krahun e viktimës. Një përleshje, nga ku, për fatin më të keq është shkaktuar një vdekje e një fëmije, ky është fakti.
Në këto bashkëbisedime kam dëgjuar me shumë vëmendje shqetësimin e prindërve që përtej TikTok-ut, është edhe gjithë çmenduria mediatike e Shqipërisë që nxitet nga politika, nxitet nga nevoja për të pasur sa më shumë audiencë dhe për ta përdorur me netë të tëra, me ditë të tëra shqetësimin që krijohet vetvetiu tek prindërit për t’i mbajtur ata mbas ekranit, duke iu treguar historira”, tha Edi Rama.
