Kriptomonedha më e madhe në botë, Bitcoin, ka arritur një tjetër rekord të ri, është vlerësuar me më shumë se 100,000 dollarë. Kriptomonedha u vlerësua në 103,280 dollarë, sipas konvertuesit të monedhës XE.com. Bëhet me dije se kjo është vlera më e lartë e rritjes që filloi nga 5 nëntori, dita e zgjedhjeve në SHBA.
Që atëherë, çmimi është rritur me rreth 45% nga 69,374 dollarë. Rritja i atribuohet gjithashtu edhe një sërë emërimesh të presidentit të zgjedhur, me Paul Atkins që u zgjodh për të kryesuar Komisionin e Letrave me Vlerë dhe Shkëmbime (SEC).
Në Truth Social, Trump u shpreh për emërimin e tij: “Ai beson në tregjet e fuqishme dhe inovative të kapitalit që u përgjigjen nevojave të investitorëve dhe që ofrojnë kapital për ta bërë ekonominë tonë më të mirën në botë. Ai gjithashtu pranon se asetet dixhitale dhe inovacionet e tjera janë thelbësore për ta bërë Amerikën më të madhe se kurrë më parë.
Trump u zotua ta bënte SHBA-në “kryeqytetin e kriptove të planetit” dhe të krijonte një “rezervë strategjike” të Bitcoin gjatë kësaj fushate zgjedhore. Siç raportohet, ai ishte kandidati i parë presidencial që pranoi donacione në kripto-asete, ndërsa zëvendëspresidenti i zgjedhur JD Vance ka qenë mbështetës i fuqishëm i monedhës dixhitale.
