Presidenti i Ukrainës, Volodymyr Zelensky, ka marrë vendim që të sanksionojë disa individë dhe subjekte që mbështesin sistemin ushtarak të Rusisë, në një pako të re sanksionesh.
Ai ka njoftuar të hënën se këto sanksione përfshijnë zhvilluesit, prodhuesit dhe furnizuesit e dronëve si dhe trajnuesit për dronë.
Ai ka shkruar në rrjetin social X se në këtë pako sanksionesh përfshihen mbi 100 persona e subjekte, ndërsa tha se “po punojmë në mënyrë aktive me partnerët për të sinkronizuar këto sanksione me masat e tyre përkatëse”.
“Sot nënshkrova një dekret që prezanton një paketë sanksionesh kundër rusëve dhe individëve dhe subjekteve të tjera që mbështesin sistemin ushtarak të Rusisë. Këto përfshijnë zhvilluesit, prodhuesit dhe furnizuesit e dronëve për pushtuesit, individët që ndihmojnë në importimin e komponentëve kritikë në Rusi, si dhe ata që trajnojnë operatorët e dronëve. Në total, më shumë se njëqind subjekte dhe individë. Ne po punojmë në mënyrë aktive me partnerët tanë për të sinkronizuar këto sanksione me masat e tyre përkatëse. Është thelbësore që të gjithë partnerët tanë të vazhdojnë të intensifikojnë presionin e sanksioneve ndaj Rusisë. Pa komponentë të huaj dhe pa skema për të anashkaluar sanksionet, Rusia nuk mund ta mbajë fushatën e saj terroriste. Çdo dron “Shahed” dhe çdo raketë ruse përmban dhjetëra komponentë të huaj. Kjo është arsyeja pse është thelbësore që presioni ynë i sanksioneve të punojë paralelisht me përpjekjet globale”, shprehet Zelensky.
Zelensky është shprehur se kjo është arsyeja pse është “thelbësore që presioni ynë i sanksioneve të jetë paralel me përpjekjet globale”.
