Brian Skrapari është 25-vjeçari, i cili ndërroi jetë në spital mëngjesin e sotëm. Ai u vetëhodh nga kati i tretë i pallatit ku jetonte pasi plagosi me thikë të atin 60-vjeçar dhe nënën e tij 53-vjeçare.
Burime kanë bërë të ditur se ai kohët e fundit kishte shfaqur probleme dhe çrregullime mendore. Ndërkaq, po të njëjtat burime kanë bërë të ditur se është bërë shkak sherri me babain, që 25-vjeçari t’i godiste me thikë. Ai kishte pasur konflikte të shpeshta me prindërit e tij, pasi këta të fundit kishin frikë se mos djali i tyre përfshihej në rryma ekstremiste. Madje në laptopin e tij janë gjetur materiale me propagandë islamike, gjë që nuk pranohej nga prindërit.
Deri më tani babai i të riut ndodhet në gjendje të rëndë shëndetësore në spitalin e Traumës.
Mësohet se familja Skrapari kishte vetëm 10 ditë që jetonte me qera në pallatin te rruga “Nasi Pablo’, afër Radio Televizionit Shqiptar, ku edhe ndodhi krimi i rëndë.
