Teksa goditja e grupit të Suel Çelës ka marr vëmendjen mediatike javën e fundit, gazetarja Klodiana Lala ka paralajmëruar se javën e ardhshme mund të kemi politikanë që do të merren në pyetje nga SPAK, ku figurë kyçe në trafikun e drogës ishte biznesmeni Bujar Shega.
Lala tha se Shega ishte person me lidhje të forta me politikën dhe kishte përfituar tendera publike.
“Pjesë e organizatës për trafikimin e lëndës narkotike ishin disa persona me lidhje shoqërore me Suel Çelës që kishin rolet e tyre. Më kryesor në aktivitetin e trafikut të drogës del Bujar Shega që në Shqipëri njihet si biznesmen, kishte fituar tendera publike, me lidhje të forta me politikën.
Në të ardhmen mund të kemi politikanë që mund merren në pyetje ose të hetohen nga SPAK. Ose zyrtarë të administratës që kanë firmosur tendera në favor të tij. Bujar Shega duhet parë si një figurë kryesore e krimit të organizuar”, tha Lala.
