Gjeorgjia do të pezullojë bisedimet për anëtarësimin në BE deri në vitin 2028.
Lajmi u bë i ditur nga kryeministri Irakli Kobakhidze pas miratimit nga Parlamenti Europian të një rezolutë jo-obligative që refuzon rezultatet e zgjedhjeve parlamentare të Gjeorgjisë të 26 tetorit, për shkak të “pabarazive të mëdha”. Rezoluta kërkoi që të zhvilloheshin zgjedhje të reja brenda një viti nën mbikëqyrjen ndërkombëtare dhe që të vendoseshin sanksione ndaj zyrtarëve të lartë të Gjeorgjisë, përfshirë Kobakhidze.
Kryeministri tha se kishin vendosur të mos e ngrenin cështjen e anëtarësimit në Bashkimin Europian në axhendë deri në fund të vitit 2028. Megjithatë, ai u angazhua të vazhdojë implementimin e reformave të nevojshme, duke theksuar se deri në vitin 2028, Gjeorgjia do të jetë më e përgatitur se çdo vend tjetër kandidat për të hapur bisedimet e anëtarësimit me Brukselin dhe për t’u bërë një shtet anëtar deri në vitin 2030.
Theksojmë këtu që Gjeorgjia mori statusin e kandidatit për në BE në dhjetor 2023, por BE-ja ka thënë se një seri ligjesh të miratuara , përfshirë kufizimet ndaj “agjentëve të huaj” dhe të drejtat e LGBTQ+, janë autoritare, të frymëzuara nga Rusia dhe pengesa për anëtarësimin në BE.
