Mesfushori i Real Madridit, Jude Bellingham, pranoi se Liverpooli e kërkoi më shumë fitoren sesa spanjollët dhe e merituan atë.
talenti anglez i ka dalë në krah edhe shokut të ekipit, Kylian Mbappe duke theksuar se ndeshja nuk u vendos nga penalltia e humbur e francezit.
“Të jem i sinqertë, që në minutën e parë ata morën kontrollin e lojës. Ne kurrë nuk maksimizuam periudhat që ishim në zotërim. Ata ruajtën kontrollin dhe ishin më të uritur se ne, gjë që është shumë zhgënjyese.
Për penalltinë e humbur të Mbapesë, anglezi tha: “Kjo mund të ndodhë. Ai është një lojtar i mrekullueshëm, por presioni që ai mban për shkak se sa i mirë është, është i madh.
Penalltia nuk është arsyeja pse ne e humbëm ndeshjen. Ata performuan më mirë sesa ne. E di që ai do të prodhojë shumë momente të tjera që do të jenë të mëdha për këtë klub”.
