Policia e Tiranë ka ushtruart kontroll në disa lokale të kryeqytetit mbrëmjen e djeshme për goditjen e aktivitetit të paligjshëm të organizimit dhe përshtatjes së ambjenteve për organizimin e lotarive të palejuara (baste sportive online).
Si rezultat janë arrestuar 8 persona, teksa siç shihet në pamjet e shpërndara nga blutë e kryeqytetit, kontrollet janë ushtruar gjatë kohës që luheshin ndeshjet e Uefa Champions League.
Burimet zyrtare raportojnë se në kuadër të operacionit policor të koduar “Bad spin 4” janë vënë në pranga shtetasit: P. K., A. Ll., A. Zh., L. M., A. C., E. A., A. K., dhe A. Q., të gjithë banues në Tiranë. Gjithashtu, janë proceduar në gjendje të lirë shtetasit A. D., dhe A. Z.
Policia ka sekuestruar në cilësinë e provës materiale 11 aparate celulare dhe 5 njësi kompjuterike. Materialet i kaluan prokurorisë.
