Mbrëmjen të mërkurës efektivët e Guardia di Finanza në Leçe kapën ndaluan një makinë që po ecte me shpejtësi në rrugën shtetërore 613 midis Brindisit dhe Leçes.
Automjeti i tipit Alfa Romeo Giulietta me vetëm drejtuesin, një shtetas shqiptar rreth 50 vjeç, i është nënshtruar kontrollit të policisë. Policia kishte dyshime për shkak të shpejtësisë së madhe që po lëvizte makina dhe qëndrimit nervoz të shoferit, dhe për këtë vendosi të bëj kontrollin e saj në Komisariatin e Piazzetta dei Peruzzi me ndihmën e njësive të qenve anti-drgoë.
Kontrolli i thelluar ka rezultuar pozitiv, duke çuar në zbulimin e 15 blloqeve kokainë, secila me peshë afërsisht 1100 gram, në total rreth 17 kg. Droga ishte fshehur me zgjuarsi në automjet. Shoferi, i njohur tashmë për dosjen e tij specifike në lidhje me drogën, u arrestua dhe u dërgua në burgun Borgo Sannicola në Lecce ndërkohë që bashkë me sasinë e kokainës u sekuestrua dhe makina me të cilën po lëvizte ai.
Kokaina e sekuestruar mund të kishte sjellë fitime për organizatat kriminale me rreth 2 milionë euro. Sipas mediave italiane kjo ndërhyrje është pjesë e aktiviteteve të zakonshme të kontrollit të territorit, duke dëshmuar përkushtimin e vazhdueshëm të Guardia di Finanza në luftën kundër krimit të organizuar për të mbrojtur sigurinë e vendit.
